LinKk 4 - Bisten en Natuer

Hoi jonges en fammen,

2009 wie it jier fan de stikelbaarch. De ‘Zoogdiervereniging’ tocht dat it net goed gong mei ‘it spjeldekessen’ en woe yn 2009 in sa goed mooglik byld krije fan wêr’t it bistje foarkomt. Dêrom fregen se elkenien dy’t in stikelbaarch seach om dat te melden. Ut de tûzenen reaksjes dy’t dêrop kamen, die bliken dat de stikelbaarch yn Nederlân it measte foarkomt yn de provinsje Súd Hollân. Nice to know, dochs?

LinKk is gek op ‘bisten en natuer’. Reden genôch om dat as tema te hawwen foar dit nûmer. Daniël is gek op it fotografearjen fan natuer en wol letter fotograaf wurde. Thiemo is gek op it banjeren troch de natuer, in hobby dy’t er útfiert by Scoutinggroep Burmania yn Ljouwert. En Sandor van der Heide? Dy is ek gek op natuer, foaral op it gers fan it fuotbalfjild.

Alles oer dizze en oare persoanen lêze jim yn dizze splinternije LinKk. Blêdzje gau fierder!

Ut namme fan de redaksje,
Marrit de Schiffart
Cedin/Taalsintrum Frysk

Lês fierder >