Farshad Bashir was here!

Farshad wie ien fan it RSG út Snits. Dêr hat er nei it ateneum west fan 2000 - 2006. Hy is tweintich jier en sit no al yn ‘e twadde keamer. Hy is net allinne de jongste fan al dy keamerleden. Yn ‘e lange skiednis fan de Nederlânske polityk siet der noch noait sa’n broeky tusken al dy politike kopstikken.

Lês fierder yn LinKk 5 oer 'Trends'

Binne trends allinne foar famkes?

Op de fraach dy’t steld waard oan learlingen fan it RSG yn Snits om wat oer trends te fertellen, kamen
allinne mar famkes ôf. Soe dat betsjutte dat famkes wat mei trends hawwe en jonges net? Wa sil it sizze? Laura Zijlstra út Drylts, Maaike Meijnders út Heech en Astrid Druijff út Snits woenen wol fertelle wat foar harren ‘Hot Trendy’ of ‘Not Trendy’ is. Sy makken alle trije in Hot or Not rychje en fertelden wat se mei trends en moade hawwe. Laura sei dat sy de trends wol folget, mar der altyd in eigen draai oan jout. Maaike docht graach oan de moade mei, want se wol der leuk út sjen. Astrid hâldt de trends wol yn ‘e gaten, mar folget se net klakkeloas op.

Lês fierder yn LinKk 5 oer 'Trends'

Jesse Rijpkema: gûchelje en jongleare yn it sikehûs

Wat in Cliniclown is, witte jim wol. Mar in clini-akrobaat? Of in Clinigûcheler? Jesse Rijpkema (13) út Harich docht beide. Hy is learling fan RSGG Magister Alvinus yn Snits. Krektas by it bekende progrramma fan Paul de Leeuw mochten de learlingen in winsk yntsjinje by de skoalle. En hoe gong it doe fierder?

Lês fierder yn LinKk 5 oer 'Trends'

Fan pompeblêden nei stars en stripes

Oant foarich jier oktober wenne Menno Schukking (14 jier) gewoan yn Poppenwier en gong er alle dagen op it fytske nei skoallemienskip Magister Alvinus yn Snits. Mar sûnt in healjier wennet er mei syn heit, mem, broerke Peter en hûn B.A. (sprek út as bi-jee) yn Amearika yn it plak Lake Preston yn de steat South Dakota en wurdt er alle dagen ophelle troch de skoalbus. Menno sit no yn Grade 9, dat is it earste jier fan de High School, dat ek wol Freshman year neamd wurdt.

Lês fierder yn LinKk 5 oer 'Trends'

It aksint op sport

Dochsto in protte oan sport? En fynsto gymnestyk it moaiste fak op skoalle? Dan wie de SportAksentklasse op it RSG MagisterAlvinus yn Snits miskien wol wat foar dy west.Dat is in spesjale klasse wêryn learlingen ekstra lessen gymnestyk krije en kursussen folgje wêryn se yn de kunde komme mei in ferskaat oan sporten.Trije sportivelingen fan it RSG fertelle wat der sa leuk is oan de SportAksintklasse.

Lês fierder yn LinKk 5 oer 'Trends'

Roos van Wijnen: folleybalster

Wy treffe de 15-jierrige Roos van Wijnen yn de Wit/Zwart Sporthal yn Snits, dêr’t sy mei leeftiidsgenoaten, út trije ferskillende teams, traine sil foar it Nederlânsk kampioenskip. Dizze training wurdt jûn troch har mem, Martje de Vries, dy’t yn de jierren tachtich by de folleybaltop yn Nederlân spile en in soad súkses hie. It is net
frjemd dat Roos en har trije jier âldere sus Ellen ek foar folleybal keazen hawwe, want fan jongs ôf oan kamen sy al mei dizze sport yn oanrekking.

Lês fierder yn LinKk 5 oer 'Trends'

Oppasse (koart ferhaal)

'Janet hat krekt belle om te freegjen ast moarntejûn ek oppasse kinst. Ik ha mei har ôfpraat datst der om healwei achten bist moarn. Goed?' Fan út de keuken baltet Liza har mem de fraach.
Lisa hinget yn ‘e keamer op de bank foar in ôflevering fan Spangas.
'Li zaaa?!'
'Jaha, ik hear it wol. Bin net dôf, hear!'
'No, sis dan wat, at ik dy wat freegje!'
'Ha’k noch wat te sizzen dan?'
'At ik dy wie, soe ‘k mar bliid wêze dat Janet dy noch binnen de doarren ha wol.'
'Jaha, ik gean wol. Hoe let?'
'Healwei achten.'

Lês fierder yn LinKk 5 oer 'Trends'

Elroy Sluiter, op wei nei it havo-diploma (mei Chakka!)

Elroy Sluiter is 18 jier en sit yn de fyfde klasse fan de havo. Hy hat de spiersykte fan Duchenne. Dêrtroch komt it dat hy Linkk opwachtet yn syn rolstoel. Mar hy sit der net allinne: njonken him leit in moaie Golden Retriever. Elroy bringt ús yn ’e kunde: ‘Dit is Chakka, 8 jaar oud. Hij is al zes, zeven jaar bij me.’ Chakka is in helphûn, mar foaral: ‘mijn maatje!’

Lês fierder yn LinKk 5 oer 'Trends'

De nijste trends fynst by The Sting yn Snits

It foarjier komt der oan, de sinne begjint te skinen, krijst wer sin oan waarmte! En by dat gefoel heart fansels ek in matching outfit! De kleanwinkels yn Fryslân hingje alwer fol mei de nijste kolleksje. De trend wurdt dúdlik ast in willekeurige kleanwinkel
binnen rinst… Kleur! In hiel soad kleur! Om’t it tema fan dizze Linkk trends is, litte wy jim sjen wat jim ferwachtsje kinne op gebiet fan moade en trends foar dit foarjier! Treddeklassers Jelle Muller en Gerbrich Huisman fan it RSG Snits stean model. Sy sjowe jim de trendy musthaves.

Lês fierder yn LinKk 5 oer 'Trends'

Frysktalige rap: begjin fan in nije trend?

Al fiif jier lang is hy alle freedtejûnen te sjen yn it TV-programma Faktor Freed. Dan yntrodusearret hy rappend de gasten en biedt se oan de ein fan de útstjoering in cartoon oan. Meikoarten komt syn nijste CD út. Reden foar Linkk om ris op besite te gean by Remon de Jong yn syn wenplak it Hearrenfean, tichte by it Abe Lenstra stadion.

Lês fierder yn LinKk 5 oer 'Trends'