LinKk 3 'Kommunikaasje'

Hoi jonges en famkes,

‘Kommunikaasje’ is it tema fan dizze tredde LinKk. Der wurdt op in hiel soad ferskillende wizen kommunisearre. Fia de webside fan skoalle, mei in moai gedicht of sels mei help fan in ‘webchair’. Wat dat is, in webchair? Dat lêze jim yn dizze LinKk.

En fansels wurdt der ek kommunisearre yn it Frysk. Der wurdt in soad Frysk praten, mar ek SMSe en maile dogge guon geregeld yn it Frysk. Yn dizze LinKk fertelle learlingen fan it Liudger yn Brgm (SMS-taal foar Burgum) dêroer.

Wy winskje jim wer in protte lêsnocht ta.

Ut namme fan de redaksje,
Jouke Douwe de Vries
Cedin / Taalsintrum Frysk


Steven de Jong WAS HERE

Learlingen komme en learlingen gean… mar soms komme se werom, yn it nijs, op ‘e televyzje. Dan sizze se op dy skoallen: ‘Sjoch! Dat wie ien fan ús! Dy hat hjir les hân. Ja, ja… wy hawwe him dy basis jûn!

Miskien sizze se dat ek op ’e Jouwer, dêr’t Steven de Jong op skoalle siet. Mar in learder wie it net. Op it fytske út Skarsterbrêge wei seach er de fûgels fleanen en it leafst woe er dy mar achter nei. Hy wie gek fan toanielspyljen, sprong sûnder eangst op it toaniel of stie bretaal foar de kamera. Hy fytste syn dream achternei en dy kaam út. Hy is no de bekendste TV/film-makker fan Fryslân.

Lês fierder >


Nei Afrika foar PUBERRUIL: spannend!

Petra Soepboer út Dokkum is 16 jier en docht op de Friese Poort de oplieding Helpende Zorg en Welzijn. Dat is allegear net sa spannend. Wol hiel bysûnder is dat se meidien hat oan it KRO-programma PUBERRUIL. Wylst de Keniaanse Judy Mumbi in wike yn Dokkum wie, reizge Petra nei Nairobi, de haadstêd fan Kenia. Acht oeren yn it fleantúch en in wike yn it waarme Kenia.

Lês fierder >


‘Ik sms yn it Frysk as de oar ek Frysk is’

SMSe yn it Frysk. Docht de jeugd fan tsjintwurdich dat wolris? Dat woenen wy fan LinKk wolris witte en dêrom setten wy ôf nei it CSG Liudger yn Burgum, want dêr binne se altyd tige Frysk. Learlingen prate dêr op skoalle ûnder inoar in soad Frysk en boppedat krije se it ek yn alle learjierren as fak oanbean.

Lês fierder >




Keeper Andries Noppert is befreone mei de bal

Hokker jonge dreamt der net fan om letter proffuotballer te wurden? Ek de 14-jierrige Andries Noppert fan De Jouwer koesteret dizze dream en hy docht syn uterste bêst om ’m wier te meitsjen. Fiif jier lyn kaam hy by de fuotbalskoalle fan SC Hearrenfean en op dit stuit is hy twaddejiers C-junioar. Andries is de hiele wike mei fuotbal dwaande. ‘Ik ha der wille yn en dat is foar my it wichtichste.’

Lês fierder >


Seehûnen

Yn it rêstige Pieterburen stiet de bekende seehûnekres fan Lenie ’t Hart. It klopjende hert fan alles dat mei seehûnen te krijen hat yn Nederlân en fier dêrbûten. Roel van Aalsum en Ashley Bijl hawwe praten mei de ‘mem’ fan alle seehûnen.

Lês fierder >


Arendjan krijt thús les fia in ‘webchair’

Arendjan Bosma is learling fan it CSG Lauwers College yn Bûtenpost. Hy sit yn de tredde klasse fan it VWO. Alve septimber wie foar him in wichtige dei. Op dy dei waard in ‘webchair’ pleatst op syn skoalle. De earste yn Fryslân! Hjirtroch kin Arendjan no thús de lessen folgje.

Lês fierder >


Jephta de Visser wint de Slauerhoff poëzypriis 2008

Jephta de Visser (15) út Warten sit yn de fjirde klasse fan it VWO op Piter Jelles Impulse. Jephta kin hiele moaie gedichten skriuwe. Mei ien fan har gedichten hat se dan ek twa grutte prizen wûn.

Lês fierder >