LinKk 6 oer 'Skoalle'

Hoi jonges en famkes,

‘Skoalle’ is it tema fan dizze sechsde LinKk. Jimme kinne yn dizze LinKk dan ek lêze wêr’t Nynke Laverman eartiids nei skoalle gie en hoe grutsk dy skoalle op har is. Learlingen fan it Bogerman fan Koudum fertelle oer harren projekt om de Fryske taal te rêden. Sy bewize it: Frysk is hip!

Fansels binne der ek oare ûnderwerpen yn dizze LinKk. De útslach fan de priisfraach oer it selsskipspul EUREGUA is bekind. Wa hat dy moaie priis wûn? Sjoch gau op side 3! De finale fan SjONG hat alwer west, wa is der dit jier yn ’e prizen fallen? Dat kinne jim lêze op side 6 en 7.

Wy winskje jim wer in protte lêsnocht ta.

Ut namme fan de redaksje,
Jinke Stoker
Cedin / Taalsintrum Frysk


Nynke Laverman WAS HERE

Learlingen komme en learlingen gean. Dat jildt foar alle skoallen. De measte learlingen ferdwine en wurde fergetten. Mar as der letter sa’n âld-learling wrâldferneamd wurdt, dan roppe se op dy skoalle: ‘Sjoch, dat wie ien fan ús!’

Nynke Laverman was here

Sa is it ek mei Nynke Laverman, dy’t geregeld op ’e radio te hearren is mei har lieten. Ek de televyzje hat har ûntdutsen, en net inkeld Omrop Fryslân. Koartlyn noch wie se te sjen yn it programma ‘De wereld draait door’. Nynke Laverman hat it poadium fûn.

Lês fierder >


‘Prachtige susters’ Nynke en Wiljo Sybrandy winne SjONG

Yn ien wurd ‘prachtich’. Dat wie it oardiel fan de sjuery oer it optreden fan Nynke en Wiljo Sybrandy út Dearsum. Mei it nûmer ‘Fanút myn hert’ wûnen sy sneon de finale fan SjONG, it Frysktalich sjongfestival foar de jongerein.

‘Jim binne prachtige susters mei in prachtige útstrieling’, spruts sjueryfoarsitster Tet Rozendal foar in útferkocht teater DOK18 yn Dokkum. As sjongeres wie sy tige ûnder de yndruk fan de ‘prachtige stim’ fan de 15-jierrige Nynke. Mei gitaarbegelieding fan har sus Wiljo (18) brocht Nynke fol oerjefte it liet ‘Fanút myn hert’, in Frysktalige oersetting fan it nûmer ‘Lost’ fan Anouk.

Lês fierder >


Allard Westerdijk fielt him thús binne de skûtsjefamylje

Allard syn heit, Bouwe, is de foarsitter fan de SKS (Sintrale Kommisje Skûtsjesilen), syn mem Tjitske is de suster fan de skûtsjeskippers Douwe (Sneker Pan) en Albert (it Drachtster skûtsje) Visser en syn broer Klaas is lid fan de bemanning op it Hearrenfeanster kampioensskûtsje ‘Gerben van Manen’. Sels sylt de 16-jierrige Allard Westerdijk út Snits foar it tredde seizoen oan board fan it Earnewâldster skûtsje. ‘Wêrom’t skûtsjesilen sa leuk is? Ik wit gewoan net better,’ seit Allard.

Lês fierder >


Oer de brazem

Wedstrydfiskjen is mear as oan ‘e kant fan de sleat sitte te koekeloeren nei in dobberke. Der binne minsken dy’t dat byld ha, mar dat blykt dus folslein in ferkearde foarstelling fan saken te wêzen. Bernd Bove (17 jier) út Twizel docht út ‘e doeken hoe’t it der by de serieuze fiskerij om en ta giet. Bernd: ‘Wedstrydfiskjen is in sport.’

Hoe bisto mei fiskjen begûn?
Bernd: ‘Ik gong froeger mei ús heit jûns en op sneon wolris te fiskjen. Doe’t angelsportferiening De Rietvoorn út Koatstertille op de basisskoalle ris delkaam
mei folderkes, bin ik mei noch fiif jonges út ‘e klasse in kearke der hinne gongen.
Mei ús seizen binne wy lid wurden fan de feriening, dêr’t ik as iennichste fan oerbleaun bin.

Lês fierder >


Frysk is hip!

Frysk is gjin boeretaal, it is hartstikke hip! Om dat te bewizen krige klasse 2 fan it Bogerman Kolleezje yn Wommels de opdracht in kampanje te betinken om de Fryske taal te rêden. En mei súkses want de skoalle hat de ôfrûne tiid faak it nijs helle. De Ljouwerter krante, Omrop Fryslân, it Frysk deiblêd, Froeks en Fynst, allegear kamen se nei Wommels om de projekten te besjen. Dat hienen learlingen en dosint eins net ferwachte, mar fansels binne se tige bliid mei alle oandacht foar harren memmetaal. It sifer foar it projekt is noch net bekend, mar se ha hjir en dêr al heard dat it in dikke foldwaande wurdt, dy’t tichter by de 10 as by de 7 leit! Dat mei dan ek wol, want se ha der stik foar stik mear tiid ynstutsen as allinnich it oerke Frysk. Oar húswurk bleaun wolris lizzen, no ja, moatst wat foar de taal oer ha!

Lês fierder >


De drip
koart ferhaal

‘Hee, Pieter! Ik haw it wer oprêden, hear. Hjir is syn bôlebakje.’
Mei in sierlike bôge goait Hein-Jaap it donkergriene trompke troch de skoalgong dêr’t hy en syn maten altyd omhingje at se skoft ha. Pieter fi sket it ding mei in soepele beweging út ’e loft.
‘Fan ’e Wite Wjirm? Dat mienst net! Soest dochs tinke dat er no einlings wolris
goed op syn spul passe soe.’
‘Sommige minsken leare it noait,’ antwurdet Hein-Jaap, wylst er syn blauwe rêchsek op ’e grûn delkwakt en himsels mei de rêch tsjin de muorre nei ûnderen ta glydzje lit. Dan beslút er om no dochs mar ris de fraach te stellen dy’t him al in skoftsje dwaande hâldt.

Lês fierder >